قبل تحزم حقيبتك للسفر للدراسة

---

هذه المدونة توفر عليك عناء البحث عن بعض المعلومات بل يعطيك معلومات اكثر تحتاجها عشان تكون رحلتك سهلة وبدون أي نوع من أنواع القلق والنسيان. قبل لا تبدأ القراءة بالملف هذا، تقدر تسوي لسته للاشياء اللي تحتاج انت تاخذها وتكتبها على ورقة وكل ما تحط الغرض اللي تبيه بالشنطة تحط علامة صح قدام اسم الغرض باللسته. صدقني هذي احسن حركة ممكن تسويها عشان تريح راسك وتكون سفرتك مريحة.

١- حزام الجينز أو البنطال:

خلال السفر، تبي تكون مرتاح وما تبي أي شي ممكن يربكك خلال عملية التفتيش. لا تلبس حزام فيه جزء حديدي.

٢- الافياش: اول ما توصل وجهتك، ممكن ما تلقى فيش تشحن فيه جوالك. احرص على شراء فيش عالمي قبل السفر. اسم الفيش Universal Plug وهذا رابط مثال للمنتج اضغط هنا لا تنسى ان هذا مثال وفيه ارخص بكثير.

٣- السوائل: أي سائل فوق ٥٠ مل لازم يكون بشنطة الشحن (الشنطة الكبيرة) وهذا يشمل معجون الأسنان. مزيل العرق ممكن تحتاجه تقدر تخليه معك بشنطة الظهر.

٤- الاطعمة:

اي طعام طازج ممنوع السفر به مثل الفواكه واللحوم. الاطعمة الاخرى مثل المكسرات والقهوة والتمور المعلبة مسموح شحنها لكن يجب ان تكون مغلقة بإحكام مع تاريخ انتهاء. بعض المنتوجات المذكورة لا تحمل تاريخ انتهاء لكن، بامكانك الذهاب لمحلات العطارة وطلب ملصق تاريخ انتهاء ووضعة بشكل واضح على كيس القهوة/مكسرات الخ.

٥- التأشيرة: إذا كانت تأشيرة الكترونية متوفرة بصيغة ملف قابل للطباعة، ننصح بطباعتها وحملها معك.

٦- قرطاسية:

الدفاتر والاقلام ببلاد الدراسة اغلى من السعودية بفرق كبير. ننصح بشراء حاجتك من المملكة للتوفير.

٧- بطارية متنقلة/ Power Bank:

إذا كنت تحمل بطارية لازم تكون ملازمة لك في شنطة الظهر او جيبك. يمنع شحنها داخل الحقيبة الكبيرة.

٨- الادوية:

اذا كان عندك رغبة باحضار ادوية متداولة مثل بانادول لا بأس. لكن، في حال كان لديك أدوية أخرى تحتاج وصفة، يلزم إحضار الوصفة من الطبيب وإظهارها في حال طلبها. مثال: أدوية السكري والضغط.

٩- معقم يدين:

دائما استخدم معقم اليدين بعد كل عملية تفتيش قبل وبعد النزول من الطائرة.

١٠- جاكيت:

خلال السفر تواجه تقلبات درجة الحرارة، احمل معك بشنطة الظهر جاكيت دائماً.